RITUS INITIALES
1. Populo congregato, sacerdos cum ministris ad altare accedit, dum cantus ad introitum peragitur. Postea cum ministris sedem petit.
Sacerdos, ad populum conversus, dicit:
In nomine Patris, et Filii, et Spiritus Sancti.
Populus respondet: Amen.
Gratia Domini nostri Iesu Christi, et caritas Dei, et communicatio Sancti Spiritus sit cum omnibus vobis.
vel: Dominus vobiscum. (Episcopus: Pax vobis.)
Populus respondet: Et cum spiritu tuo.
Deinde sequitur actus paenitentialis:
Fratres, agnoscamus peccata nostra, ut apti simus ad sacra mysteria celebranda.
Omnes simul:
Confiteor Deo omnipotenti et vobis, fratres, quia peccavi nimis cogitatione, verbo, opere et omissione: mea culpa, mea culpa, mea maxima culpa. Ideo precor beatam Mariam semper Virginem, omnes Angelos et Sanctos, et vos, fratres, orare pro me ad Dominum Deum nostrum.
Absolutio sacerdotis:
Misereatur nostri omnipotens Deus et, dimissis peccatis nostris, perducat nos ad vitam aeternam.
Populus respondet: Amen.
4. Kyrie:
V. Kyrie, eleison. R. Kyrie, eleison.
V. Christe, eleison. R. Christe, eleison.
V. Kyrie, eleison. R. Kyrie, eleison.
5. Gloria:
Gloria in excelsis Deo et in terra pax hominibus bonae voluntatis. Laudamus te, benedicimus te, adoramus te, glorificamus te, gratias agimus tibi propter magnam gloriam tuam, Domine Deus, Rex caelestis, Deus Pater omnipotens, Domine Fili unigenite, Iesu Christe, Domine Deus, Agnus Dei, Filius Patris, qui tollis peccata mundi, miserere nobis; qui tollis peccata mundi, suscipe deprecationem nostram. Qui sedes ad dexteram Patris, miserere nobis. Quoniam tu solus Sanctus, tu solus Dominus, tu solus Altissimus, Iesu Christe, cum Sancto Spiritu: in gloria Dei Patris. Amen.
LITURGIA VERBI
7. Lector legit primam lectionem. Ad finem: Verbum Domini. Omnes: Deo gratias.
8. Psalmista psalmum dicit, populo responsum proferente.
9. Secunda lectio (diebus dominicis et festis): Verbum Domini. Omnes: Deo gratias.
10. Sequitur Alleluia, vel alter cantus.
11-12. Evangelium:
Dominus vobiscum. R. Et cum spiritu tuo.
Lectio sancti Evangelii secundum N. Populus: Gloria tibi, Domine.
13. Finite Evangelio: Verbum Domini. Omnes: Laus tibi, Christe.
14-15. Homilia. Professio fidei (diebus dominicis et festis):
Credo in unum Deum, Patrem omnipotentem, factorem caeli et terrae, visibilium omnium et invisibilium. Et in unum Dominum Iesum Christum, Filium Dei unigenitum, et ex Patre natum ante omnia saecula. Deum de Deo, lumen de lumine, Deum verum de Deo vero, genitum, non factum, consubstantialem Patri: per quem omnia facta sunt. Qui propter nos homines et propter nostram salutem descendit de caelis. Et incarnatus est de Spiritu Sancto ex Maria Virgine, et homo factus est. Crucifixus etiam pro nobis sub Pontio Pilato; passus et sepultus est, et resurrexit tertia die secundum Scripturas, et ascendit in caelum, sedet ad dexteram Patris. Et iterum venturus est cum gloria, iudicare vivos et mortuos, cuius regni non erit finis. Et in Spiritum Sanctum, Dominum et vivificantem: qui ex Patre Filioque procedit. Qui cum Patre et Filio simul adoratur et conglorificatur: qui locutus est per prophetas. Et unam, sanctam, catholicam et apostolicam Ecclesiam. Confiteor unum baptisma in remissionem peccatorum. Et exspecto resurrectionem mortuorum, et vitam venturi saeculi. Amen.
16. Oratio universalis.
LITURGIA EUCHARISTICA
17-18. Cantus ad offertorium. Fideles participationem suam oblatione manifestant.
19. Sacerdos accipit patenam cum pane:
Benedictus es, Domine, Deus universi, quia de tua largitate accepimus panem, quem tibi offerimus, fructum terrae et operis manuum hominum, ex quo nobis fiet panis vitae.
Populus: Benedictus Deus in saecula.
20-21. Diaconus vel sacerdos infundit vinum et aquam:
Per huius aquae et vini mysterium eius efficiamur divinitatis consortes, qui humanitatis nostrae fieri dignatus est particeps.
Benedictus es, Domine, Deus universi, quia de tua largitate accepimus vinum, quem tibi offerimus, fructum vitis et operis manuum hominum, ex quo nobis fiet potus spiritalis.
Populus: Benedictus Deus in saecula.
25. Sacerdos, versus ad populum:
Orate, fratres: ut meum ac vestrum sacrificium acceptabile fiat apud Deum Patrem omnipotentem.
Populus: Suscipiat Dominus sacrificium de manibus tuis ad laudem et gloriam nominis sui, ad utilitatem quoque nostram totiusque Ecclesiae suae sanctae.
PREX EUCHARISTICA II
V. Dominus vobiscum. R. Et cum spiritu tuo.
V. Sursum corda. R. Habemus ad Dominum.
V. Gratias agamus Domino Deo nostro. R. Dignum et iustum est.
Vere dignum et iustum est … gloriam tuam praedicamus, una voce dicentes:
Sanctus, Sanctus, Sanctus Dominus Deus Sabaoth. Pleni sunt caeli et terra gloria tua. Hosanna in excelsis. Benedictus qui venit in nomine Domini. Hosanna in excelsis.
COGUDUS PÕLVITAB. Sacerdos consecrat:
ACCIPITE ET MANDUCATE EX HOC OMNES: HOC EST ENIM CORPUS MEUM, QUOD PRO VOBIS TRADETUR. (elevat hostiam)
ACCIPITE ET BIBITE EX EO OMNES: HIC EST ENIM CALIX SANGUINIS MEI NOVI ET AETERNI TESTAMENTI, QUI PRO VOBIS ET PRO MULTIS EFFUNDETUR IN REMISSIONEM PECCATORUM. HOC FACITE IN MEAM COMMEMORATIONEM. (elevat calicem)
Mysterium fidei:
Populus: Mortem tuam annuntiamus, Domine, et tuam resurrectionem confitemur, donec venias.
34. Per ipsum, et cum ipso, et in ipso, est tibi Deo Patri omnipotenti, in unitate Spiritus Sancti, omnis honor et gloria per omnia saecula saeculorum.
Populus: Amen.
RITUS COMMUNIONIS
35. Sacerdos et populus:
Pater noster, qui es in caelis: sanctificetur nomen tuum; adveniat regnum tuum; fiat voluntas tua, sicut in caelo, et in terra. Panem nostrum cotidianum da nobis hodie; et dimitte nobis debita nostra, sicut et nos dimittimus debitoribus nostris; et ne nos inducas in tentationem; sed libera nos a malo.
Populus: Quia tuum est regnum, et potestas, et gloria in saecula.
38. Pax Domini sit semper vobiscum. R. Et cum spiritu tuo.
41. Agnus Dei, qui tollis peccata mundi: miserere nobis. (bis) … dona nobis pacem.
43. Sacerdos, versus ad populum:
Ecce Agnus Dei, ecce qui tollit peccata mundi. Beati qui ad cenam Agni vocati sunt.
Populus: Domine, non sum dignus ut intres sub tectum meum: sed tantum dic verbo, et sanabitur anima mea.
45. Sacerdos distribuit Communionem:
Corpus Christi. Communicandus: Amen.
RITUS CONCLUSIONIS
52. Dominus vobiscum. R. Et cum spiritu tuo.
Benedicat vos omnipotens Deus, Pater, et Filius, et Spiritus Sanctus. R. Amen.
53. Ite, missa est. R. Deo gratias.